Tryggar og góðar samgöngur eru ein af lykilforsendum þess að nýtt sameinað sveitarfélag virki bæði í félags- og efnahaglegum skilningi. Þrýsta þarf á um stöðugar samgöngubætur, góðar almenningssamgöngur, öfluga vetrarþjónustu og innanlandsflug sem virkan og raunhæfan samgöngumáta fyrir almenning.
- Veita þarf virkt aðhald til að tryggja: heilsársveg um Öxi, Fjarðarheiðargöng, bundið slitlag á Borgarfjarðarveg og nýja brú yfir Lagarfljót.
- Til framtíðar þarf að styrkja almenningssamgöngur innan sveitarfélagsins með það fyrir augum að gera bíllausan lífsstíl að raunhæfum möguleika. Kanna þarf möguleika á því að gera almenningssamgöngur innan sveitarfélagsins gjaldfrjálsar.
- Innanlandsflug ætti að skilgreina sem almenningssamgöngur.